Aizarnako parrokia

XVI. mendean eraikitako eliza honetan Gipuzkoako Errenazimendu garaiko aurrealderik bitxienetakoa aurki dezakegu. Anberesko eskolako tailerretan egindako XVI. mendeko triptiko flandestar bat dago bertan.


Andre Maria Jasokundearen Parrokia

Foruen Plazan kokatuta dago Andre Maria Jasokundekoaren parrokia, Lilitarren hilobi kapera barruan duena.

Aritxezarra (Arretxea)

Zestoan harriz eraikitako lehen eraikinetakoa da Arretxea (harrizko etxea). XVI. mendean herria suntsitu zuen sutearen ondoren hasi ziren harrizko eraikinak jasotzen. Harresiz kanpo eraiki zen Arretxea, izan ere,  XVI. mendean hazkunde demografiko nabarmena izan zen Zestoan eta  hirbildu harresituaren barruko etxebizitzak ez ziren nahikoak bizilagun guztiak hartzeko eta errebalak sortu behar izan zituzten. Diamante puntez dekoratutako leiho gotikoak dira etxearen osagai aipagarrienak.

Arroako parrokia

Ermita bat zegoen tokian eraiki zuten XVI. mendean, eta XVIII. mendean eraldatu egin zuten. Nabe bakarra du eta gurutzeriaz estalita dago.

Lau Iturri

Errege Bideko zubi zaharraren ondoan kokatutako dago Lau Iturri, herritarrak urez hornitzen zuen iturria. Garbitegia du ondoan, emakumeen elkargunea zen harraska publikoa. 

Lizentziadokua

XVI. mendeko jauretxe hau harresietatik  kanpo eraiki zuten. Agi danez, XVI. mendean Juan Martínez de Olazabal lizentziatua bertan  bizi izan zelako hartu zuen izen hori etxeak. Arkuko harri monolitikoa da etxearen osagairik aipagarriena.

Portalekua (Jantzi-etxea)

Lili familiaren etxeetako bat da XVI. mendeko defentsarako eraikin hau. Kalean ibiltzeko edo elizara joan aurretik dotore janzteko erabiltzen zuten, hortik dator Jantzi-etxea izenarena. 2008an eraberritu zuten dorretxearen ezaugarriak errespetatuz.

Zestoako harresiko ateak

XIV. mendean sortu zenetik, Zestoa harresiz inguratuta zegoen. Herrira sartzeko zegoen jatorrizko ateetako bat, San Joserena (lehen Arretxearena) oraindik ikusgai dago, eta baita eraldatuta dagoen beste bat ere, Inamkuladarena (lehen Palankadorena).

FaLang translation system by Faboba