Loiolako Santutegia

Monumentu Gunea

Loiolako Santutegiko monumentu gunea Etxe Santua bezala ezagutzen den Erdi Aroko dorretxearen inguruan urteen joanean elkartu diren eraikinek osatzen dute.
Erdi-erdian, izaera erlijioso eta espiritualeko eraikin hauen guztien artean indar handiz agertzen zaigu Loiolako Basilika, goiko aldean kupula handi bat duela eta ataurrea, berriz, estilo txurrigereskoan egina (Espainiako barrokoaren modalitate jori eta oparoa).

 

Loiolako Basilika

Basilika hau arkitektura barrokoaren erreferentzia garbia da. XVII. mendean hasi zen eraikitzen, eta 1738an inauguratu zen San Ignazioren ohorez.
Tenplu ikusgarri hau Berniniren ikasle zen Carlo Fontana arkitektu italiarrak diseinatu zuen Vatikano txiki baten antzera, eta Zaldua, Lekuona eta Ibero maisu euskaldunek egin zuten. Estilo barrokoa garbi-garbikoa denez, oin zirkularra du eta kupula eder-bikainak eta linterna ikusgarri batek osatzen dute multzoa. Aldare nagusia estilo txurrigereskoan egina da eta erdian San Ignazioren zilarrezko irudi bat dago.

 

Jaitsi eskuorriak:

  • Loiolako Santutegia pdf
  • Ignaziotar Lurraldea pdf
  • Hiru Tenpluen Ibilibidea pdf

www.santuariodeloyola.org

FaLang translation system by Faboba